Մի օր կենդանաբանական այգու կապիկները որոշեցին ճամփորդել, աշխարհ ճանաչել: Որոշեցին ու ճամփա ընկան: Գնացին, գնացին, մի տեղ կանգնեցին ու հարցրին.
-Ի՞նչ է երևում:
-Առյուծի վանդակը, փոկի ավազանն ու ընձուղտի տունը:
-Ի՜նչ մեծ է աշխարհը, ու ինչքա՜ն շատ բան ես իմանում, երբ ճամփորդում ես:
Շարունակեցին ճանապարհն ու կանգ առան միայն կեսօրին:
-Հիմա ի՞նչ է երևում:
-Ընձուղտի տունը, փոկերի ավազանն ու առյուծի վանդակը:
-Ի՜նչ տարօրինակ է աշխարհը, ու ինչքա՜ն շատ բան ես իմանում, երբ ճամփորդում ես:
Նորից ճանապարհ ընկան ու կանգ առան արևամուտին:
-Իսկ հիմա ի՞նչ է երևում:
-Առյուծի վանդակը, ընձուղտի տունն ու փոկերի ավազանը:
-Ի՜նչ ձանձրալի է աշխարհը. միշտ նույն բաներն են հանդիպում. ու ճանապարհորդելն էլ ոչ մի բանի պետք չէ:
Ու այդպես, նրանք ճամփորդում էին, ճամփորդում, բայց վանդակից դուրս չէին գալիս, պտտվում էին նույն շրջանում կարուսելի ձիուկի պես:
Առաջադրանքներ
Լրացրո՛ւ բաց թողնված տառերը:
Դուրս գրի՛ր անծանոթ բառերը և բացատրի՛ր բառարանի օգնությամբ։
Գրի՛ր այգի, ճանապարհ, արևամուտ բառերի հոմանիշները:
Այգի-Որթոց, վազնուտ, ռազ, զբոսայգի, պուրակ, պարտեզ, զբոսապարտեզ, զբոսապուրակ, ճեմայգի, ճեմապարտեզ
Ճանապարհ-ճամբա, ճամփա, ուղի. շավիղ, կածան, արահետ, նրբուղի
Արևամուտ-Մայրամուտ, վերջալույս, իրիկնամուտ, իրիկնալույս, արևամար, արևամայրք, արևմտոց, արևպատ, արփամուտ, արևմուտք, արևմտելք
Գրի՛ր գիշեր, նույն, դուրս գալ բառերի հականիշները:
Գիշեր-ցերեկ
Նույն-այլ, տարբեր
Դուրս-ներս
Գալ-գնալ, հեռանալ
Պատմվածքից դո՛ւրս գրիր աշխարհը բնութագրող բառերը:
ձանձրալի, տարօրինակ, մեծ
Համաձա՞յն ես կապիկների հետ: Ինչպիսի՞ն է քո աշխարհը: Պատմի՛ր:
Ես կապիկների հետ հաաձայն չեմ, որովհետև նրանք վանդակում են և միշտ նույն բանն են տեսնում: Իմ աշխարհը մեծ է ու հետաքրքիր: